Cîhanşah

Di nav ziman û wêjeya cîhanê de ziman û wêjeya Kurdî xwedî cihekî giring e. Ev yek, roj bi roj baştir xuya dike. Her ku diçe di qada Ziman û Wêjeya Kurdî de berhemên nû têne keşifkirin û xebatên nû yên giranbiha têne kirin. Ev yek jî şanazîyeke ji bo me Kurdan û mizginîya pêşerojeke ronak dide me. Feqe Reşîd, helbestvanekî bi nav û deng e ku berhemên wî ji nû ve derdikevin pêşberî xwendevanan. Jixwe berhema wî ya Sirru'l-Mehşer bi awayekî bi rêkûpêk ji alîyê me ve hatibû çap kirin. Lê niha berhema wî ya Cîhanşah li ber destê we ye. Cîhanşah, ew berhema Feqe Reşîd e ku cara pêşîn haya we xwendevanan jê çêdibe û tê çap kirin. Ev yek jî şanazîyek mezin e ji bo me Kurdan û ji bo Wêjeya Cîhanê.